Video
Read full review
2014-07-17
6951 views
呢晚收工, 同男友仔去荃灣~辦好事之後, 就係醫肚仔時間…男友仔無咩心水, 我就忽然記起 7080 開咗間兄弟店響呢度!!一於沖上去試下新野 (雖然無 book 位機會渺茫…)商場果度等 lift 等咗好鬼耐, 無計啦!!上到去, 還好時間尚早仲未多人, 侍應姐姐先問有無 book 位~稍等一陣之後, 佢就問我可唔可以 8 點半交枱~望下鐘, 而家先 6 點半左右, 2 粒鐘咩都夠啦, 所以即刻就答: 無問題!!然後, 佢就帶我地 2 個坐咗響近門口既位置, 隔離就係氣槍射射區~再望下周圍, 成間都係 war game 佈局, 播住 Korea Pop-Music, 氣氛好正!!!每位侍應都係著住軍裝, 帶位既更會手扼指揮燈, 枱面上有一個軍人水瓶, 裡面係冰凍既…麥茶!? (好似係, 總之好燒暑解渴 feel, 哈哈)當我地開始研究 menu 之際, 就有軍人埋黎, 放低每人一 set 既食物 (凍豆腐 / 泡菜 / 醃蘿蔔 / 洋蔥 / 海鹽麻油)由於男友仔同我都唔太肚餓, 好快就決定好想要試既少少食材:- 牛肋骨肉 ($128)- 辣豬腸 ($98)- 豬皮 ($78)- 五花腩
辦好事之後, 就係醫肚仔時間…
男友仔無咩心水, 我就忽然記起 7080 開咗間兄弟店響呢度!!
一於沖上去試下新野 (雖然無 book 位機會渺茫…)
商場果度等 lift 等咗好鬼耐, 無計啦!!
上到去, 還好時間尚早仲未多人, 侍應姐姐先問有無 book 位~
稍等一陣之後, 佢就問我可唔可以 8 點半交枱~
望下鐘, 而家先 6 點半左右, 2 粒鐘咩都夠啦, 所以即刻就答: 無問題!!
然後, 佢就帶我地 2 個坐咗響近門口既位置, 隔離就係氣槍射射區~
再望下周圍, 成間都係 war game 佈局, 播住 Korea Pop-Music, 氣氛好正!!!
每位侍應都係著住軍裝, 帶位既更會手扼指揮燈, 枱面上有一個軍人水瓶, 裡面係冰凍既…麥茶!? (好似係, 總之好燒暑解渴 feel, 哈哈)
當我地開始研究 menu 之際, 就有軍人埋黎, 放低每人一 set 既食物 (凍豆腐 / 泡菜 / 醃蘿蔔 / 洋蔥 / 海鹽麻油)
由於男友仔同我都唔太肚餓, 好快就決定好想要試既少少食材:- 牛肋骨肉 ($128)
- 辣豬腸 ($98)
- 豬皮 ($78)
- 五花腩 ($98)
仲要咗一支… 初級燒酒:
- 初飲初樂 ($70)
牛肋骨肉 : 唔錯!! 肉嫩唔”鞋”口, 不過牛味唔濃~ 個人覺得配海鹽麻油唔錯, 唔會搶咗牛味又有少少咸香, 不過我覺得牛肋…都係炆既正好多!! 哈哈~
辣豬腸 : 正!! 辣度唔太過, 燒得燶燶地之後, 更加香口又”野”味!! 用黎送燒酒真係一流!!
豬皮 : 正!! 有 4 塊, 同樣燒到燶燶地, 面脆心軟又有咬口!! 不過如果燒得太耐就會變硬, 所以唔想浪費, 就要捉緊時間食, 哈哈!!
五花腩 : 我既最最最愛!! 厚切 2 大塊, 肥瘦均勻, 夾埋少少麵豉醬+泡菜+芝麻葉+生菜, 哇!!! 真係正到停唔到口~至於果支…. 初飲初樂 : 果然係初哥燒酒, 雖然酒精唔弱, 但係入口就甜甜的~
韓燒又點可以無支燒酒呢, 呵呵呵~食飯之後, 其實仲有時間, 所以都 hea 坐咗陣, 飲埋支燒酒, 就埋單!!
埋完單, 就同男友仔一係去玩槍戰!!!! 吼吼吼~
每人玩咗一 round, 又再次證明, 我既眼界真的超級好, 哇哈哈哈哈!!!!
呢度真係有得玩, 又有得食, 一班朋友 garthering 應該黎呢度食下玩下, 所以… 我會再黎!!!
Other Info. :
肉類菜類都係好新鮮!!!
每枱都會有個生菜+芝麻葉籃子, 軍人都好醒目, 見到你籃子既菜所剩無幾, 佢就會即刻拎一籃黎加比你.. 服務真係超讚!!!
上菜超級快, 不過枱就比較細, 所以會出現好迫 or 無位放既情況...
(The above review is the personal opinion of a user which does not represent OpenRice's point of view.)
Post
