星航圖咖啡廳

Open Now

Now Closed

星航圖咖啡廳一家人去香港迪士尼樂園酒店Staycation，但都搭shuttle番去探索家度假酒店Lunch，因為上次食過呢間餐廳，是樂園中性價比較高的餐廳。焗鮮茄豬扒炒飯豬扒夠厚又大塊，炒蛋飯底好香，飯質煙韌，粒粒分明，醬汁夠多，加埋芝士焗，混合一切食，味道一流。蘑菇湯個湯菇味好香濃，趁熱飲，好正。輕食拼盤呢個輕食拼盤我哋每次必食，今次堂食同上次叫番酒店嘅食，都一樣美味。雞翼肉質鮮嫩，炸完都鎖住肉汁；香烤香腸夠大條，啖啖肉，好正；炸魚魚質彈牙，唔似一般雪藏魚；薯條香脆可口；個拼盤份量唔算少，令你食唔停口。兒童套餐蛋包飯味道正常，不過不失，小朋友好鍾意食；個蛋沙律腐皮壽司好驚喜；飲品可選果汁、水或牛奶，甜品一般，有d水果，我哋加埋落杯乳酪度食，更有口感。整體個兒童餐不錯。