樂園 (Moved) New Location

今日我同朋友去咗間系尖沙咀好特別既餐廳，叫樂園。一入到去感覺環境舒服同平時cafe無分別，鋪面雖小但又不會覺得有逼既感覺，架上又有玩具提供客人等待食物期間娛樂一番。老闆好貼心甘逐一介紹餐牌上既食物簡介，經過一輪選擇之後，我地分別揀咗一款主食、一款小食、兩杯飲品同埋一個四球既雪糕。首先講下個主食，主食我地叫咗個肉眼扒，7成熟，賣相吸引而且睇得出個盤系精心設計過，肉質juicy ，不會太過「鞋」身食落也不會好似橡筋一樣，配菜系薯條，雖然系扒既下底，但吾會因為甘而淋咗，依然仲系好脆。再黎小食方面，系明太子泡菜鑲雞翼，辣度分明，唔會因爲太多泡菜而過份地辣，配埋個甜酸醬，一流。而飲品方面，我地都一樣選擇咗水果茶，味道不錯，仲有枝試管比你將你選擇既果個味道倒落去飲，仲好貼心甘提你飲法，最後就系佢地必叫既怪獸雪糕啦，雖然我地人數唔多，最後只系叫咗個四球既，分別有綠茶味、朱古力、香芋、雲呢拿，仲會提供生日服務，可以寫上字句。