Gochi (Closed)

上次嚟食lunch，覺得餐廳食物質素高，一直想再嚟，今次就夜晚嚟試吓晚餐，一樣冇失望，甚至有驚喜😍揀咗個豐盛雙人晚餐，內容有麵包、有湯、有頭盤、有兩個主菜同一個甜品，當然仲有飲品，頭盤同每個主菜都係四選一，選擇之間差異好大，一定可以選到喜歡的。小編今次就選對了，頭盤天使麵，兩個主菜分別係黑毛豬鞍同手工意粉，味道口感豐富，份量亦剛好，最驚喜係甜品，嗰造型同攞盤超級靚，其他地方未見過，似乎係餐廳獨創😍✼﹘豐盛雙人晚餐﹘✼● 麵包酸種法國麵包 - 軟硬適中，小小兩件，份量剛好● 湯品是日餐湯 - 唔係簡單嘅南瓜湯，湯內多了一啲碎粒，多了咬口層次更豐富● 頭盤海膽及三文魚子冷天使麵 - 天使麵分兩份放，擺盤用心又貼心，海膽同三文魚子分閧放，賣相精美，海膽同三文魚子嘅鮮味有天使麵混和，感覺更開胃● 主菜A西班牙純種杜洛克黑毛豬鞍 - 杜洛克豬喺歐洲名種豬，肉質鮮嫩，油花細緻，色澤同味道都好吸引，這裏一大塊，表面煎香可口，內裏剛熟嫩滑，少許胡椒帶起肉質鮮味，出色醬汁也要記一功● 主菜B鮮刨黑松露野菌手工意粉 - 手工意粉同機造意粉，最大分別係意粉表面會粗一啲冇咁滑，但這反而更吸引，多點咬口多點口感