十三少 (Closed)

朋友去左【十三少】見二人餐抵食就推介左俾我，當然我都急不及待咁叫大佬陪我去。餐廳分店好多，我地就揀左鄰近🚇樂富地鐵站B出口，尚算方便易搵。 朋友極力推薦【二人蟹逅滋味餐🦀】，只需$388。入面包左必選的「十三少蒜香荷葉蟹飯」，同埋自選涼菜、主菜各一款。仲可以+$68 原個椰皇燉響螺🥥，不過每日限量供應。 ⦁ 蒜泥青瓜涼菜可以三選一，今次就揀左蒜泥青瓜，青瓜醃得好入味，蒜泥中夾有不少蒜粒，口感爽脆，非常開胃。 ⦁ 十三少蒜香蟹飯（細）個飯雖然話細份，但份量都好多。另外用左兩隻蟹黎擺盤，非常吸睛！蒸完出爐熱辣辣，濃濃荷葉蒜香味，飯粒吸晒鮮甜的蟹汁，仲要有埋蟹黃蟹膏！撈埋一齊食，正！😋 ⦁ 酸菜魚主食有餐廳主打既酸菜魚 / 水煮魚。今次嗌左小辣既酸菜魚，魚既份量都多，魚片厚身無骨，嫩滑既口感，非常入味。配料有萵筍、白蘿蔔等。唔夠既，可+ $26 加添寬粉。 ⦁ 紅糖糍粑 $48最後一定要嗌我鍾意既紅糖糍粑，糍粑做到外脆內軟，口感煙靭，蘸上紅糖，味道一流。 ⦁ 冷泡四季春 $28茶味清香，無糖解膩，仲要大大一支。抵飲！