Video
Read full review
2018-06-21
132 views
樂心冰室都算係銅鑼灣一間老牌冰室，今日喺銅鑼灣行完街同朋友經過就坐低試吓。裝修嘅環境風格同埋燈光都偏向懷舊嘅冰室設計，座位都係模仿懷舊冰室嘅座椅設計，不過座位相對比懷舊冰室就闊落好多啦！坐落去亦都係舒服嘅。坐低當時其實都差唔多夜晚六點幾七點，睇睇餐牌，佢哋都有好多比較新式破格嘅食物：例如鰻魚蛋包飯，不過到咗冰室就梗係食返中式嘅食物啦～所以我哋就叫咗一個晚市套餐。食物就有呢個醬爆鵝腸同埋叫咗一個豉油蝦，飲品方面呢食叫咗涼粉紅豆冰同埋我最鍾意嘅懷舊飲品菠蘿冰！食物大概15分鐘左右就上枱即叫即整熱辣辣。首先要講講呢一個醬爆鵝腸，入口第一個感覺呢就係醬汁嘅香味，同埋獨有嘅味道係口裏面爆出黎一層層嘅衝擊！呢一道菜嘅火候非常到家！不過呢個鵝腸就非常之軟熟，一點都不乾身，你試諗下熱辣辣火候十足嘅醬爆鵝腸食落口軟熟無比，根本就係有水準嘅中菜質素！之後就到豉油蝦：基本上每隻豉油蝦都有一隻手掌嘅長度，條蝦粗過自己隻手指，分量上已經係非常之超班！上枱嘅時間都係熱辣辣啱啱炒起嘅，食落口豉油嘅香味非常之入味，仲會有非常濃郁蝦嘅甜味可以食得出。證明本身蝦嘅選料都好新鮮同埋講究，蝦頭充滿着蝦膏味道濃郁，食過返尋味！
裝修嘅環境風格同埋燈光都偏向懷舊嘅冰室設計，座位都係模仿懷舊冰室嘅座椅設計，不過座位相對比懷舊冰室就闊落好多啦！坐落去亦都係舒服嘅。
坐低當時其實都差唔多夜晚六點幾七點，睇睇餐牌，佢哋都有好多比較新式破格嘅食物：例如鰻魚蛋包飯，不過到咗冰室就梗係食返中式嘅食物啦～所以我哋就叫咗一個晚市套餐。
食物就有呢個醬爆鵝腸同埋叫咗一個豉油蝦，飲品方面呢食叫咗涼粉紅豆冰同埋我最鍾意嘅懷舊飲品菠蘿冰！
食物大概15分鐘左右就上枱即叫即整熱辣辣。
首先要講講呢一個醬爆鵝腸，入口第一個感覺呢就係醬汁嘅香味，同埋獨有嘅味道係口裏面爆出黎一層層嘅衝擊！呢一道菜嘅火候非常到家！
不過呢個鵝腸就非常之軟熟，一點都不乾身，你試諗下熱辣辣火候十足嘅醬爆鵝腸食落口軟熟無比，根本就係有水準嘅中菜質素！
之後就到豉油蝦：基本上每隻豉油蝦都有一隻手掌嘅長度，條蝦粗過自己隻手指，分量上已經係非常之超班！
上枱嘅時間都係熱辣辣啱啱炒起嘅，食落口豉油嘅香味非常之入味，仲會有非常濃郁蝦嘅甜味可以食得出。證明本身蝦嘅選料都好新鮮同埋講究，蝦頭充滿着蝦膏味道濃郁，食過返尋味！
涼粉紅豆冰紅豆大大粒，保持住有咬口，加上涼粉嘅口感好夾；菠蘿冰基本上成杯都係菠蘿，就快多到滿瀉漏出嚟，感覺夠哂清新！
我相信喺銅鑼灣返工嘅朋友，呢一間冰室味道同水準都係非常適合大家！
Post
