樂麵

Open Now

Now Closed

🧡真熬雞白湯豚肉拉麵呢個拉麵既湯底絕對係重點，非常濃雞味，又唔會飲到好多雞油，應該係用慢煮既方法，成個湯底充滿雞既鮮味，配料就有齊鴨肉、雞肉、豚肉、醬油溏心蛋，呢度既肉都應該係慢煮既方法，同樣咁嫩，只係僅僅熟，配埋提升味道既香蔥同筍片，仲有真係超流心既溏心蛋，好食到爆呀！💛拉麵 替玉($15)我地食晒啲麵都未飲完果湯，決定加強個拉麵，拉麵唔同一般既幼麵，呢度係粗麵，更加掛汁，麵質都幾煙韌，我勁中意呀！🤎日式煎餃($25)呢個咁抵點可以唔加，上枱熱辣辣，一咬開仲有煙，皮脆肉嫩，點啲醋食仲正！