喜聚燒 (Closed)

今次去寶勒巷一間樓上串燒店，主打麻辣雞煲+麻辣小炒+串燒三重體驗。行到去樓下有塊幾顯眼嘅告示紙，事關同一棟樓有兩間差唔多名嘅舖頭，喜膳燒喺地下，喜聚燒喺8樓，大家唔好去錯呀😆麻辣滋補鮮烏雞平時雞肉就食得多，烏雞反而冇乜機會食😜醬汁方面係麻辣汁，成功帶起烏雞嘅鮮味，伴料有蟲草花、洋蔥，雞肉份量都幾多😀麻辣三兄弟三兄弟分別係陳皮魚蛋、鴨血、水魷魚，辣汁好香好惹味🤪燒一口甜薯、燒豬頸肉、燒玉子、燒金菇肥牛卷、燒台式香腸一口氣嗌咗好多樣好鍾意食嘅串燒款式，師傅處理串燒有一定水準，食物夠晒香口，焦香程度剛好😃食串燒就係有呢樣嘢好，因為每串件數唔算多，咁就可以一餐之內食到好多款唔同嘢食，過足口癮🤩明太子釀雞翼、燒新鮮脆皮白鱔一向都好鍾意白膳嘅口感，喺魚肉嚟講係好特別嘅存在。少少彈牙，肉質爽口，魚肉帶有厚度，鱔味好濃郁😍鍾意食白膳嘅朋友仔，記得唔好錯過呢度嘅燒白膳，絕對唔會後悔😋明太子釀雞翼亦有驚喜，外型脹卜卜好得意，外皮香脆＋內裡辛辣，係味蕾嘅享受！燒蟶子、燒扇貝兩款燒海鮮，配上蒜蓉香味，絕配😎燒菠蘿菠蘿好fresh，前面食得太多肉，可以一解油膩🤣燒茄子又係蒜蓉舖滿茄子表面，真係好難抵擋呢🤓麒麟生