Hugo Le Resto Grill (Closed)

喺四樓做facial，聽個姐姐話二樓間餐廳幾好，有個自助沙律吧，可以去試下。於是兩姐妹做完facial就落咗去食嘢。環境幾闊落，有卡位，座位都係沙發凳，坐得幾舒服。仲有個大窗邊可以見到出面街景。我哋坐低嘅時候已經就快兩點，人流唔多，沙律吧嘅狀態幾整齊，令人滿意。午餐餐牌所見都係以意粉漢堡包為主，啱晒我呢啲無飯主義者。我哋叫咗兩個餐，可以有埋自助沙律吧、是日餐湯，再加咖啡一杯，個餐嘅setting 都叫做似模似樣。點完餐就有兩件麵包先到，有溫度嘅麵包，外皮鬆脆，內裏軟熟。沙律吧嘅種類繁多，素食嘅朋友應該可以有幾個回合，水果同沙律菜都好新鮮。粟米湯熬得很有誠意，仲食到啲粟米碎粒添，味道濃郁，口感順滑。清香牛肝菌好健康，加埋啲忌廉汁，好啱我哋胃口，而且份量夠我哋兩姐妹share。漢堡包個份量頗為驚人，好多層，大大塊芝士，好厚嘅安格斯牛肉，新鮮蕃茄，口感豐富。食物質素上乘，環境都幾好，好relax，可以為您的假期增添不少氣氛。