戀 (太子集團中心) (Closed)

約左好耐無見嘅舊同事食飯想揀間餐廳可以坐得耐啲傾下計舊同事揀左間尖沙咀居酒屋估唔到呢間居酒屋餐牌咁多選擇串燒小食至飽肚嘅鍋物都有一口和牛用小鐵鍋上底層有一圈洋蔥保持溫熱同時和牛粒唔會直接接觸鐵鍋令佢過熟面層有啲脆到好似薯片嘅蒜片好夾好好味！鹽燒串燒六式拼盤串燒燒得香口唔乾燥肉質保持嫩滑有肉汁想更重口味可以額外加上鹽巴海老野菜天婦羅拼盤大蝦肉質爽口彈牙同外層鬆脆天婦羅皮好夾野菜新鮮尤其南瓜好鮮甜☺️汁煮牛肉飯飯量適中白飯沾滿香濃牛肉汁好快就俾我地分晒～埋單後侍應示意我地可以去自取甜品原來有日本果汁冰條免費送！不過當日得返車厘子味咋但都仲有港式吱吱冰