八居酒屋 (旺角新城)

Open Now

Now Closed

今日去左旺角嘅 八居酒屋，餐廳喺新城樓上5樓。之前都有聽過尖沙咀天文台道店，仲已經 開業左8年。今晚晚餐一個人食，叫左個套餐。豚肉生薑燒定食，連茶碗蒸，什茶沙律，麵鼓湯，白飯。豚肉生薑燒幾出色，先讚下新鮮上菜熱辣辣。聞落有幾濃嘅薑味但食落唔會太辣，有溫和嘅薑汁香味。配菜 洋蔥份量超多，汁煮得好入味，非常下飯。豬肉片份量足，薄切肉質嫰滑。白飯飯香，粒粒分明。茶碗蒸蒸蛋幼滑什茶沙律新鮮清爽，配上胡麻醬，好開胃。麵鼓湯唔算太重味，味道適中，凍凍地嘅天氣，熱湯飲落好舒服~一個串燒 汁燒大蔥串賣相幾靚，大蔥切段，燒得夠火口。醬汁濃稠，香甜。大蔥質感嫰，帶小小清甜。同一件三色花之戀，由三種魚生組成。口感比傳統三文魚花之戀更有口感，味道都唔錯。