泰斗 (中達大廈)

Open Now

Now Closed

今日同朋友一行四人黎到尖沙咀食泰菜，今次呢間泰菜係一間樓上店，星期二黎到都有唔少人咁！食泰菜好多時都係食個生蝦開頭，呢到有保鮮紙包住啲冰都算衛生，蝦身都爽口好味既。之後叫左個冬陰公湯，呢到職員好好會問我地要唔要分上，一個細冬陰公湯剛好分左四碗，味道比平時飲既多左椰汁味同一種薄荷葉味。肉食揀左牛小排，呢到燒得好juicy都好稔，味道唔算重口味，配合佢既醬汁多啲酸辣都好惹味。燒牛舌口感一時爽口一時有啲靭，比較普通。青咖哩雞椰汁味重，雞肉好多，用黎送飯同蒜蓉包都係好好既配撘。講到咖哩當然要提下我地個蒜蓉包，外脆內軟，唔會過火太燶同硬，蒜味濃厚，本身包質地好好，值得推薦。之後黎左一個炒金邊粉，份量大碟，蝦肉好多，火喉剛剛好又唔會太乾太油。蝦醬通菜，唔會太咸同埋醬味香濃。芒果沙冰，甜味會沈底，飲之前可能要搞搞佢。總結呢到服務都唔錯，店員係我地叫左椰菜苗後因為食材出現問題都有及時提議轉變菜式，如果黎到尖沙咀又唔想係地面鬧市同人迫，上黎食個好味泰菜都不錯。