十里潮香 (Closed)

三生三世十里潮香忙左成日好肚餓然後行到金百利見到好多人派傳單 見到個姐姐好落力咁推十里潮香 十里潮香 被姐姐打動 就立馬上去食 上到去又無乜人等位 一入去就坐底叫左咸菜胡椒豬肚湯 一大碗既湯 兩個人飲 每人都可以飲到兩至三小碗 又多料 酸菜夠入味 豬肚絲爽口 胡椒味夠濃 辣辣地然後滷水四拼 有滷蛋紅腸掌翼鵝肉 無左豬手有小失望 有滷豆腐墊底 豆腐入晒味 要加碗白米飯🍚滷水墨魚 同樣地都有滷豆腐墊底 好重口味既一餐飯😂一餐飯唔少得食菜 叫多個濃湯大芥菜煲 第一次見識芥菜 好大片 似瓜多過菜