K2 Kitchen (Closed)

今日同2個朋友去觀塘搵下D樓上鋪食下野就決定上K2 KITCHEN試下入到去個環境都幾好,幾舒服今日就點左以下食物沙甸魚多士配合蕃茄沙律,韓國蠔,黑豚豬鞍芥末蘋果茸,油封鴨脾煙肉白豆,鱸魚菠菜枝豆意大利飯,另外加58蚊轉套餐就轉加多左南瓜茸大扇貝,煙三文魚血橙芝士火箭菜,南瓜湯,鮮蜆周打湯南瓜湯---都幾香南瓜味鮮蜆周打湯--幾香魚味,好鮮味韓國蠔--第一次食韓國蠔,10蚊隻都算抵啦,都幾肥美鮮味煙三文魚血橙芝士火箭菜--舊三文魚好厚身,食落去配合埋橙同芝士好正,好有魚油香南瓜茸大扇貝--超香南瓜味,咁樣焗出黎令到成碟野升一個LV,帶出鮮味沙甸魚多士配合蕃茄沙律--D沙甸魚應該煎過,咁香口既同平時開出黎既都唔同既,再配合埋多士一起食,亙補不足,變成多士有味,沙甸魚唔肥膩黑豚豬鞍芥末蘋果茸--咬口適中,而豚肉味濃油封鴨脾煙肉白豆--隻鴨脾煎完將D汁鎖住,好香口呀鱸魚菠菜枝豆意大利飯--鱸魚超滑身加重魚香味黎個甜品--一粒粒硬身朱古力都幾得意杯朱古力都夠濃味