夜櫻 • 居 (Closed)

餐廳室内裝潢以花為主題, 天花板掛滿引人注目嘅紫色花花🌺, 好適合打卡💜! 除咗有長卡位之外, 仲有榻榻米座位! 🦞芝士蛋黃燒龍蝦包創新龍蝦肉食法! 香脆嘅多士配上龍蝦肉, 龍蝦肉混入秘製明太子醬汁, 好惹味! 龍蝦肉鮮甜, 有彈牙嘅口感, 龍蝦鉗裏面都有啖啖肉! 🍣火炙壽司出色! 火炙左口魚裙邊壽司 - 火炙過嘅左口魚裙邊, 入口除咗有魚油嘅香味, 仲有微微炭燒味。另推薦 - 海鹽燒三文魚魚皮部份煎至好香脆, 三文魚肉質細嫩, 唔乾身, 同時飽含膠質, 充滿三文魚油香味。鹽燒烹調方式可以食到三文魚最新鮮嘅味道, 旁邊仲有檸檬汁以調味。