Little Tipsy Restaurant & Bar (Closed)

觀塘越開越多樓上餐廳，中西日韓你諗到嘅都有。揀到眼花之際，見到依間餐廳網上訂位不但有九折，仲有飛行里數奬賞，同埋無用餐時間限制，就決定同舊同事去食晚飯慢慢傾。餐廳唔係好大，暗暗地幾有氣氛，但枱與枱之間太近同埋餐廳音樂太大聲有少少嘈。海膽味濃，意大利飯好Creamy，巴馬臣芝士好香，飯面海膽新鮮。記緊要親熱食否則凍咗就食唔到Creamy嘅口感。 羊架肉質鮮嫩唔肥唔羶，煎得剛剛好。薯仔批煎得香脆，有少少忌廉味好醒胃 。普羅旺斯嫩菜有青瓜粒、黃瓜粒、茄子、洋䓤及蕃茄，酸酸甜甜好開胃。蕃薯好香甜，配酸忌廉一齊食，酸酸甜甜味道不錯。但蕃薯條切得太薄，食起上嚟口感欠逢。