The Balcony (Closed)

呢間西餐廳係中環街市扶手電梯附近，位置非常方便。入到去餐廳唔係好大，得四五枱到，都幾舒服。 我同朋友兩個人，就試咗呢個六百零蚊既套餐，都幾抵食嫁。先黎個廚師精選沙律，蜜桃鴨胸沙律，黑醋都幾酸下，但配埋鴨胸同蜜桃又唔係好覺，幾好食。跟著就黎凍八爪魚配牛油果蕃茄醬，呢個味道清新，好似平時西班牙菜式果種清新感覺，夏日炎炎食呢個真係正，八爪魚肉就更加有口感好𡁻口。朋友就叫咗呢個煎北海道帶子配波蘭汁，帶子唔係煎的到好老，岩岩好。下面果舊原來係蘿蔔黎，吸晒帶子既汁，勁入味。到秘製龍蝦湯，呢本杯簡直係龍蝦湯版既Espresso，濃到一個點，正。 開晒胃係時候食主菜，呢個燒雞配燒薯仔，嘩！出面食既又老又嚡口，呢度竟然可以食到嫩滑雞肉真係好難得，岩晒香港人既口味。出面可能偏向外國口味，呢度岩岩好唔會落得太重。到呢款紐西蘭鱈魚枊，呢個煎到個皮好脆，食落又有魚味，唔似出面用龍脷枊黎做魚無魚味，又夠甘香。最後就係甜品，唔少人都推介呢個薑味雪糕！真係幾正，好似西式版既薑汁撞奶咁，但又唔會太濃又夠香，岩晒唔太食薑既朋友。總括而言都幾好味，下次就試下14安士牛扒先。