I Leisure (Closed)

去酒吧唔一定係飲酒嘅都有好多好西食㗎今次呢間i Leisure 環境好 啱晒打卡又有飛鏢玩 啲野食都好好味呀火焰雞翼一嚟到就點火 即刻影相呃like先食落好脆皮 有好香甜嘅蜜糖味 仲有啲酒香原隻龍蝦包用左成隻龍蝦嘅肉 啖啖都咁鮮味仲配左好多新鮮炸起嘅薯條Shake shake海鮮籃用左秘製嘅醬嚟shake五款海鮮 味道辣辣地 海鮮全部都好新鮮 我最鍾意貴妃蚌 夠晒鮮甜爽口西冷牛扒伴黑椒汁要左五成熟 好嫩又好重牛味仲好貼心咁切埋先上枱避風塘墨魚咀呢個真係必點呀墨魚咀爽脆得嚟又有咬口夠晒惹味 送酒一流