DKLM Bar & Restaurant (Closed)

金巴利道除咗出名多韓國餐廳之外，原來都有唔少高質嘅酒吧！呢間小店位於MW Plaza內，裝潢以美國風為主，有霓虹燈同牆畫裝飾，亦有美式桌球、Beer Pong等娛樂設施，適合同朋友小聚一下～ 食物方面主打多款西式料理，大大力推介呢度嘅鹹豬手，外層酥脆可口，去骨啖啖肉，鹹香味十足，十分滿足😌 小食選擇眾多，18 months Parma Ham 都幾值得一試，鹹鹹香香，有成100G，配上少量菜同黑松露，性價比高～ 估唔到呢度仲有鹽燒option，鯖魚柳嫩滑唔嚡口，香口惹味，比出面做得更有水準，幾有驚喜😂 湯都有兩款，蘑菇雞肉忌廉湯超級無敵creamy，而且夠熱，會令你忍唔住一啖接一啖咁飲，暖胃又好味！