Infinity Workshop Cafe (Closed)

以前一大班同學仔都鍾意喺cafe逗留，因為可以hea好耐的時間，隨著租金越來越貴，cafe越嚟越少，部分更加要喺樓上開。環境好寧靜，多人少人都適合。維尼小熊$49去到cafe梗係叫啲特別嘢飲 (好有廸士尼feel)，叫咗杯維尼，味道甜甜地，有啲似飲緊菠蘿特飲的感覺 。睡美人$49另外一杯就係睡美人，有啲荔枝冰係面頭，有甜 (荔枝味)又有酸 (檸檬味)，攪暈底部和沙冰都幾好飲。鮮帶子虎蝦青蘋果沙律$118接住嚟咗個沙律先，隻蝦好新鮮，係大大隻虎蝦，啲沙律菜完全冇苦味，其中都有一種沙律菜的顏色係好特別，口感好脆。德國腸拼野菌雜薈$88我哋亦叫咗一個德國腸仔雜燴，辣味都幾緊要下，但係好惹味，越食越過癮。招牌漢堡$138主菜的漢堡包就真係好特色，一切開佢的時候，有爆心的蛋汁流出嚟，嗰一刻都幾震撼。 個牛肉應該係手打，又有煙肉包住，煙肉汁留入牛肉，非常juicy。炸薯圈係用新鮮薯仔炸出嚟。