Little Fresh Cafe & Bar

Open Now

Now Closed

好耐無約啲朋友出嚟飯聚，今次搵咗旺角一間樓上cafe💛靜靜哋可以傾下偈。 以前中學時期，去啲樓上cafe好多時中伏，今時今日好多樓上cafe嘅食物質素都做到好高水準。 我同朋友叫咗兩個set，另外加咗個檯檯必點嘅招牌菜火魔蜆 。 火魔蜆加入咗辣椒香蒜牛油同蜆肉一齊炒，惹味十足， 上檯之後記得好準備好大家嘅手機，職員會喺上檯嘅時候倒上酒即時冒出火焰🔥，啱晒打卡。 每個set都跟一個是日餐湯或者田園沙律🥗。我哋每樣叫咗一份。 是日餐湯係洋葱湯🧅，個湯好甜，洋蔥味香濃。仲配埋香脆嘅法包，點湯一流。 田園沙律用料新鮮，食落夠fresh。 主菜方面揀咗法式香煎紅鯛魚配備製白汁🐟，魚皮煎得夠香脆，肉質嫩滑，配埋creamy嘅白汁就恰到好處。 墨魚汁海鮮燴意大利扁麵墨汁香濃🦑，海鮮方面有蝦🦐、青口、大蜆，為成個意大利扁麵增添不少海鮮甜味，不過食完成個咀都黑晒。 餐茶方面點咗杯美式咖啡☕️同橙汁🧃。