To-Gather Cafe (Closed)

第一個感覺係較靜，唔算多人，又有各種board games 提供，係聚會唔錯既選擇。主菜點左冬蔭公忌廉蝦肉意大利粉，冬蔭公同忌廉意外地夾，係好新鮮既配搭，不過我覺得有D辣，中意食辣既朋友應該會中意，蝦肉同菇都好爽口。另外點了黑松露海鮮意大利飯，略嫌黑松露唔夠濃，海鮮算多，亦算彈牙，飯粒粒粒分明，唔會太一pat pat個sauce . 小食點了薯條加芝士（+$5），芝士係較稀個隻，如果係拉芝會更吸引，味道唔錯。飲品點左草莓同木瓜奶昔，份量多，偏奶味，木瓜奶昔冇草莓奶昔咁甜，略嫌冰粒未有刨到所有都碎唒，有大冰粒🤭