串燒咖啡 (Closed)

旺角嘅樓上Cafe何其多，每一間Cafe店都各有特色，但食物方面就唔係每一間都做得好好。呢間Cafe環境舒適，燈光略暗，很有情調。班尼蛋卡邦尼意粉值得一食，意粉好有彈性，咬落去有小小回彈力，煙肉肉質軟熟，唔會太過軔，班尼蛋混落意粉會變得更加滑溜好食，又可以有一次整穿蛋嘅快感。意粉或飯有套餐，加多$10蚊就可以配個田園沙律，紫生菜唔會苦，好鮮甜。朱古力曲奇奶昔賣相好靚，有香濃嘅朱古力味，奶昔頂插住兩個Oreo，又有得食又有得飲。酥炸魷魚炸得好香口，外脆內煙軔，溫度適中，建議要快D食，放凍左就會淋，無咁脆口嫁啦。小食拼盤有薯條，雞翼，麥樂雞，雞翼整得好入味，外皮小小脆口，肉質軟滑，鎖到肉汁。好食嘅薯條都係要夠粗夠熱，咁先可以食到外脆內軟嘅感覺。去Cafe點少得甜品呢，草莓香草鬆缾好軟熟，不過不失，鬆餅嘅味道本身已不太突出，需要另加配料一齊配搭，配雪糕及草莓一齊食，一冷一熱嘅感覺好有趣。