南北小聚

Open Now

Now Closed

呢間茶餐廳早餐似乎幾有特色，價錢在商業區算係幾合理，要求煮淋個丁麵，店員仲會在order單寫明淋d淋d淋d，抵讚。但廚房就似乎收唔到，上來嘅麵仲差起碼近兩分鐘火喉...需知道煮淋嘅丁麵，同監硬泡淋嘅丁麵，在味道同口感上都係唔同層次的！對住個半生熟丁麵，唯有照泡，味道當然點泡都唔對辦啦…但又唔想成碗唔食咁浪費，搞到要出最後絕招，就係用辣椒油送泡麵，呢招絕對可以化腐朽為神奇。講返泡麵嗰個番茄濃湯，係有茄味，但同屏山華嫂比，唔可以話濃。附送嘅厚多士，有塗蒜蓉係驚喜，但係炒蛋就唔多足熱度，可能放耐咗先送來...整體水準來講，算係不過不失。個早餐Menu最吸引，係有生滾老薑鮮牛肉或鮮豬膶揀，用來配蔥花太陽蛋通粉或加$5丁麵，辣椒油亦真係好夠辣~下次再出門過大海時可以試試。