水剌間 (Closed)

💁🏻‍♀️💁🏻‍♀️樓面有oppa嘅九龍城韓國餐廳辣味炆牛肋骨呢個係必食，佢係韓式蘿蔔炆牛腩嘅概念，蘿蔔用滾刀切大塊，超級入味。牛肋骨炆得勁冧，夾起就碌左舊骨出嚟，但肉唔會好碎濕濕。個汁送飯好食，韓式醃肉醬甜甜地咁。人蔘雞湯足半隻雞，隻雞煲到啲雞都冧晒，真係可以食雞唔lur骨～個湯清清地，佢會配一兜椒鹽，可以加落湯度，或者點雞肉食。湯頭人蔘味唔係好濃，都好食，但我相信其他湯會更出色。