Video
Read full review
2021-06-21
63 views
❀ Mamaday Studio #油麻地 #💛❀❗️樓高三層玩味甚強Cafe 到處都係打卡位❗️——————————————————相信大部份人對Mamaday都唔會陌生，佢哋憑着大膽玩味嘅風格殺出一條血路，吸引咗好多年輕人✨前牌佢哋喺佐敦一幢唐樓開咗間新嘅Cafe，三層高，裝修有復古味道得來又有新派玩味嘅擺設，而且仲有露台，成間舖頭充斥着打卡位📸️食物主要為咖啡、小食，採取自助形式，樓下order完之後，自己攞上上面揀喜愛嘅位置。另外仲有兩隻貓咪喺度🐱，幾痴人㗎都！.✷𝑀𝑒𝓃𝓊✷☞ 精選蛋糕 藍莓利賓納慕絲蛋糕 $48 (4.3/5) 有驚喜😆落單之前冇實物圖，本身聽到利賓納有啲驚驚地，不過見其他甜品款式又冇咁特別，決定試一試！冇諗過利賓納嘅提子香氣同藍莓係咁夾，最出色係面頭有利賓納嘅啫喱，入口之後溶化，同慕絲混合得好好👍🏻。而且成件事好清新，又唔會好似芝士蛋糕咁膩，值得試(PS應該唔係恒常款式，如果遇到就記住試啦).☞ 松露蕃茄貝果 $56 (3.8/5)以Cafe bagel來講，我覺得翻熱得算係唔錯👌🏻。能夠做到外微脆，但唔刮口。內煙韌，唔會過乾或者過濕。都食到乾蕃茄嘅香氣，就咁食
❗️樓高三層玩味甚強Cafe 到處都係打卡位❗️
——————————————————
相信大部份人對Mamaday都唔會陌生，佢哋憑着大膽玩味嘅風格殺出一條血路，吸引咗好多年輕人✨前牌佢哋喺佐敦一幢唐樓開咗間新嘅Cafe，三層高，裝修有復古味道得來又有新派玩味嘅擺設，而且仲有露台，成間舖頭充斥着打卡位📸️食物主要為咖啡、小食，採取自助形式，樓下order完之後，自己攞上上面揀喜愛嘅位置。另外仲有兩隻貓咪喺度🐱，幾痴人㗎都！
.
✷𝑀𝑒𝓃𝓊✷
☞ 精選蛋糕 藍莓利賓納慕絲蛋糕 $48 (4.3/5)
有驚喜😆
落單之前冇實物圖，本身聽到利賓納有啲驚驚地，不過見其他甜品款式又冇咁特別，決定試一試！
冇諗過利賓納嘅提子香氣同藍莓係咁夾，最出色係面頭有利賓納嘅啫喱，入口之後溶化，同慕絲混合得好好👍🏻。
而且成件事好清新，又唔會好似芝士蛋糕咁膩，值得試(PS應該唔係恒常款式，如果遇到就記住試啦)
精選蛋糕 藍莓利賓納慕絲蛋糕
$48
10 views
0 likes
0 comments
.
☞ 松露蕃茄貝果 $56 (3.8/5)
以Cafe bagel來講，我覺得翻熱得算係唔錯👌🏻。
能夠做到外微脆，但唔刮口。內煙韌，唔會過乾或者過濕。
都食到乾蕃茄嘅香氣，就咁食唔搽醬都OK。另外會配埋松露cream cheese，點埋就更香。
(PS憑外貌口感，我覺得同blendit好似，不過上網又好似搵唔到佢哋有partnership，我自己本身都OK blendit嘅texture，不過驚喜就冇咁大。而且呢個價錢都算貴，網購更加大更加豐富餡料嘅bagel都唔需要呢個價。)
6 views
0 likes
0 comments
6 views
0 likes
0 comments
.
☞ 豆腐豆腐咖啡 $48 (3.9/5)
係加入咗豆腐成份嘅latte，容易入口，尤其適合鍾意奶啡嘅人。
喺咖啡底裏面加咗少許豆腐渣，表面再加左一球豆腐雪糕。
豆腐雪糕味道都算香，不過口感稍為有啲似忌廉，而且擺好耐都唔會溶，自己覺得有啲膩🤭。
.
☞ 是是鬼鬼但但 $58 (3.9/5)
略有啲嘩眾取寵嘅感覺，其實就係柚子味tonic coffee🙈。
不過都好飲嘅，柚子嘅酸甜清爽，中和到咖啡嘅苦，但同時間依然飲得出咖啡嘅香氣，喺炎熱嘅天氣飲番杯都幾清涼。
而且亦有漸層，都算靚。
29 views
0 likes
0 comments
——————————————————
✨整體味道: 3.9/5
✨環境裝修: 4.7/5
✨服務態度: 3.5/5
✨性價比: 3.7/5
✨再訪興趣: 3/5
.
💞整體來講
成間Cafe真係好有gimmick，單單係Cafe嘅外型已經非常值得打卡，內裏三層高，仲充滿各式各樣嘅獨特擺設，難怪開業一段時間依然有咁多人嚟影相📸️。食物選擇就算好多，主要都係咖啡、小食、甜品，回頭度未必太高，但值得參觀一次。而且裏面仲有貓貓🐱，都幾親人，可以話係一間貓Cafe(?)🤣。
——————————————————
Mamaday Studio (油麻地)
🚩油麻地白加士街105號地舖
Post
