標記樂園潮州粉麵菜館

Open Now

Now Closed

本身想去旺角附近打邊爐，點知可能係假期嘅關係每一間都非常多人，我哋決定退而求其次，今次去咗打冷先！就揀咗呢一間喺旺角嘅打冷舖頭！✔️韭菜豬紅，叫咗唔夠1分鐘就即刻上碟，非常快手，加埋啤酒簡直就係一個字爽！整體味道都唔錯，不過冇乜太大特別我建議加埋辣椒醬食會非常好食！✔️滷水鵝片，呢個價錢嚟講份量有啲少，不過好彩味道加分，咬落去都有非常香嘅鵝香，我哋另外叫咗白飯送嚟食，正！✔️蠔餅，食潮州嘢點樣少得食蠔餅，非常香口，而且即叫即炸，好香脆，鍾意食蠔餅嘅朋友一定要試！