Video
Read full review
2024-05-25
2035 views
碌碌下社交媒體網站推左個FOODIE介紹G'Day，反正諗緊同老婆去邊度慶祝佢生日，用眼唔用腦，梗係睇睇啦！一下就俾佢個重點 promotion～無限鴨油薯粒吸引左（因為我本身好中意食傻仔），睇埋其他就一野FWD俾老婆，然後BOOK枱。由於我睇果條STORY係四月既，餐廳回電 confirm book 枱時講明，無限鴨油薯粒 promotion 都可以照 offer，但不能同其他優惠共用。嘩！有得返啅我梗係揀薯粒啦！再問問有無餸係要預訂，以免去到先無得食。本身我工作關係，所以間唔使會去餐廳附近做野，而且不嬲都中意香港島啲小區，所以要去餐廳一啲都唔難，出左地鐵站，一個 hand break turn 就到。前一晚上網再碌下個Menu，青醬意粉唔錯，因為太太中意食。現場再點左「牛魔王三重奏」。三個餸，另外叫左荔枝檸檬梳打 同 紅酒 ＋ Asahi (Happy Hour 買一送一)。未食已經預計會好飽，因為又牛又勁多澱粉質。但生日飯嘛，唔好計較咁多。個牛一上，Chef Yen 已經好細心咁講解邊樣打邊樣，每種牛有咩特式，食邊樣先會合適啲。試晒後果然同佢講既一樣，個人黎講中意牛臀扒，因為我中
一下就俾佢個重點 promotion～無限鴨油薯粒吸引左（因為我本身好中意食傻仔），睇埋其他就一野FWD俾老婆，然後BOOK枱。
由於我睇果條STORY係四月既，餐廳回電 confirm book 枱時講明，無限鴨油薯粒 promotion 都可以照 offer，但不能同其他優惠共用。嘩！有得返啅我梗係揀薯粒啦！再問問有無餸係要預訂，以免去到先無得食。
本身我工作關係，所以間唔使會去餐廳附近做野，而且不嬲都中意香港島啲小區，所以要去餐廳一啲都唔難，出左地鐵站，一個 hand break turn 就到。
前一晚上網再碌下個Menu，青醬意粉唔錯，因為太太中意食。現場再點左「牛魔王三重奏」。三個餸，另外叫左荔枝檸檬梳打 同 紅酒 ＋ Asahi (Happy Hour 買一送一)。未食已經預計會好飽，因為又牛又勁多澱粉質。但生日飯嘛，唔好計較咁多。
個牛一上，Chef Yen 已經好細心咁講解邊樣打邊樣，每種牛有咩特式，食邊樣先會合適啲。試晒後果然同佢講既一樣，個人黎講中意牛臀扒，因為我中意食肥膏。跟碟上無限任食薯修又脆又香口，之後再番兜多次。
青醬意粉我地揀配虎蝦，又鮮又爽。西餐成日睇落好細碟，感覺唔夠食。但其實每食都係啱啱好，加上年紀唔細，唔使食咁多。
鴨油薯粒反而踏實啲，無我期待咁吸引，可能因為都有啲飽。
Chef Yen 有禮貌、好笑容又中意分享，唔係行埋黎問一句今晚啲野好唔好食呀咁，行襯埋黎都俾我地捉住佢傾計，阻住佢做野。哈哈
如果大家都搵緊地方敍敍，你知應該去邊到啦！
Post