Video
Read full review
2015-03-30
792 views
肥髀想食pizza,咁耐都未去過赤柱大街，今日同佢拍拖去，星期日大街好熱鬧，餐廳都會放晒桌椅出行人專用區，睇緊放門口餐牌時，一個著制服叔叔（以前佢在一間赤柱廣場內餐廳做招客派傳單，超落力）過來sell我，我見啲晚餐價錢唔貴，門面都順眼，就入去室內坐低（基本上室外已滿，但就算有位我都會要求室內，唔鍾意比人來人往睇住食！）餐廳行希臘feel!裝修以藍白為主，牆上有黑板手寫廚師推介，揀好晚餐落單，食物好快到！餐湯-南瓜忌廉湯：好濃好滑，滿咀南瓜香！跟餐沙律：巴馬火腿薄身唔韌，黑醋汁唔多，沙律菜以火箭菜紅椰菜為主，肥髀唔鍾意帶苦味！我都覺得ok!幾爽脆！跟餐份量細！夏威夷薄餅：餅底好薄，即烤好香脆，餡料多，芝士可以拉出絲，菠蘿酸酸地，配香濃芝士茄醬好味！薄餅餡料唔係要好特別，最緊要配搭得好！燒羊架：羊架等得幾耐，上菜賣相幾靚，三支羊架用雜菜墊底，我落單時要求5成熟！點知一切開第一件已經唔對路，件羊架只有上面好薄係熟，中間到底部貼碟嘅全生，最多只有3成，唯有同店員講，佢即刻好好禮貌講唔好意思，攞返廚房跟進，之後第二碟就做到5成熟！味道唔膻！醬料好濃，驚喜係墊底蔬菜爽脆種類繁多，而且調味唔重！可以
我見啲晚餐價錢唔貴，
門面都順眼，
就入去室內坐低（基本上室外已滿，但就算有位我都會要求室內，唔鍾意比人來人往睇住食！）餐廳行希臘feel!裝修以藍白為主，牆上有黑板手寫廚師推介，揀好晚餐落單，食物好快到！
餐湯-南瓜忌廉湯：好濃好滑，滿咀南瓜香！
跟餐沙律：巴馬火腿薄身唔韌，黑醋汁唔多，沙律菜以火箭菜紅椰菜為主，肥髀唔鍾意帶苦味！我都覺得ok!幾爽脆！跟餐份量細！
夏威夷薄餅：餅底好薄，即烤好香脆，餡料多，芝士可以拉出絲，菠蘿酸酸地，配香濃芝士茄醬好味！薄餅餡料唔係要好特別，最緊要配搭得好！
燒羊架：羊架等得幾耐，上菜賣相幾靚，三支羊架用雜菜墊底，我落單時要求5成熟！點知一切開第一件已經唔對路，件羊架只有上面好薄係熟，中間到底部貼碟嘅全生，最多只有3成，唯有同店員講，佢即刻好好禮貌講唔好意思，攞返廚房跟進，之後第二碟就做到5成熟！味道唔膻！醬料好濃，驚喜係墊底蔬菜爽脆種類繁多，而且調味唔重！可以食出原味！
餐飲-果汁：普通現成果汁！講真食物合格，但細位唔精緻，沙律同薄餅都係同塑膠碟，輕飄飄，感覺幾cheap!
店員好親切有笑容，落單上菜爽手，但有時又唔醒目，例如上薄餅，但又唔比細碟我分！又唔問我要唔要辣椒仔或芝士粉（可能店員對廚房好有信心！）上羊架唔問要唔要黃芥辣等等！但羊架唔熟嘅事又好積極處理，即刻講唔好意思，攞入廚房重新做過（本來我真係預了係再翻熱整熟啲！我影低相，三件羊架真係唔同樣子）所以服務真係唔錯！
如果想浪漫下，唔太貴嘅好選擇！
Post
