牡蠣酒場 (Closed)

今日放工約左朋友一齊食飯，朋友揀左呢間日本野，門口已經見到有唔同生蠔吸引住。三得利麥芽生啤放工緊係飲番杯啤酒輕鬆下，夠凍。叫左2款生蠔，爽口海水味重。燒牛柳沙律估唔到牛柳勁軟林，好食，沙律新鮮爽口。叫左少少串燒送酒，牛舌爽脆煙靭，雞心有咬口，黑豚小排肉肥瘦適中。天婦羅明太子紫蘇葉包住明太子，味道香濃，天婦羅粉漿薄身。胡麻油甘魚刺身油甘魚新鮮，入口爽滑，加左胡麻醬味道酸甜開胃，連埋洋蔥紫菜一齊食口感豐富。芝士薯餅炸到外脆內軟，芝士味濃郁，口感煙韌。