串燒咖啡 (Closed)

隱世既小小cafe，入口位於裕華國貨店隔離條小巷，估唔到都可以有高水準之作！除左有意粉、焗飯、串燒、甜品...仲有board game玩，有得食又有得玩，正呀！😝🍝班尼蛋卡邦尼亞意粉（$78）忌廉汁非常濃郁香creamy！主角班尼蛋外熟內生，一啖咬落去，黃澄澄既蛋汁流哂出黎，滿足感100分！我最愛既🌹玫瑰花朱古力咖啡唔太甜，我至like👍🏻拉花很美，再加上紅紅既玫瑰花瓣美呆了！波蘿椰子冰就味道清新，好有夏日feel!白汁芝士海鮮焗飯非常香，每匙飯都有芝士拉絲，芝味濃郁！最欣賞既係海鮮材料都有水準，青口成隻匙羹咁大，焗飯焗完之後又唔會乾，白汁好creamy!除左西餐菜式好食，串燒都好正，唔會燒到好燶同好乾！我同朋友都好驚訝！推介串燒帶子同帆立貝，價錢唔貴，又好味！帶子口感煙靭，加上串燒汁同辣粉好惹味！最後仲點左朱古力香蕉鬆餅一齊share！鬆餅即叫即整，熱辣辣好香軟，再加上凍冰冰既朱古力雪糕，冷熱交替，味覺同感覺大滿足呀！而且份量真係好夠，四個人食都夠呀！