Video
Read full review
2021-03-16
968 views
屋企人鍾意食滷味，呢日去開九龍城醒起同事講過「鎔記潮州飯店」嘅出品唔錯，於是我就嗌咗個滷水拼盤返屋企當加餸😛，佢哋勁開心。滷水拼盤($118)，拼盤超豐富，一路食一路夾會發現更多唔同嘅食物🥢，當中包括雞腸、豬大腸、豬頭肉、豬頸肉、生腸、腩肉、紅腸、豬耳、墨魚、豬脷同雞腎等...，如果數漏就恕我未能盡錄🙈！底部仲墊有唔少大荳芽菜、豆卜同韭菜，全部都係索味一流嘅配菜。滷水味道唔會太鹹，達到中庸之道，而且我最欣賞嘅地方係佢種類超多，就算唔食內臟都有其他選擇。呢份「樣樣齊」掂啊👍！另外，佢仲提供辣椒油同滷水汁配嚟食。總括嚟講，潮州菜館唔係度度有，鎔記或者會係一個好選擇。今次淨係食咗佢個拼盤，有機會想試埋其他菜式，睇餐牌同餐廳格局都比到人一種好傳統同好正宗嘅感覺😄。
屋企人鍾意食滷味，呢日去開九龍城醒起同事講過「鎔記潮州飯店」嘅出品唔錯，於是我就嗌咗個滷水拼盤返屋企當加餸😛，佢哋勁開心。
滷水拼盤($118)，拼盤超豐富，一路食一路夾會發現更多唔同嘅食物🥢，當中包括雞腸、豬大腸、豬頭肉、豬頸肉、生腸、腩肉、紅腸、豬耳、墨魚、豬脷同雞腎等...，如果數漏就恕我未能盡錄🙈！底部仲墊有唔少大荳芽菜、豆卜同韭菜，全部都係索味一流嘅配菜。
滷水味道唔會太鹹，達到中庸之道，而且我最欣賞嘅地方係佢種類超多，就算唔食內臟都有其他選擇。呢份「樣樣齊」掂啊👍！另外，佢仲提供辣椒油同滷水汁配嚟食。
總括嚟講，潮州菜館唔係度度有，鎔記或者會係一個好選擇。今次淨係食咗佢個拼盤，有機會想試埋其他菜式，睇餐牌同餐廳格局都比到人一種好傳統同好正宗嘅感覺😄。
Post
