Video
Read full review
2024-09-02
525 views
呢間店叫橫濱家系町田商店. 一講到到家系, 就唔係咁容易用一把尺去量度, 因為分支之多, 派別之闊, 唔係求求其其做少少research可以定到位.不過加埋橫濱兩個字, 應該香港人都唔會陌生, 因為去得日本旅行, 不難會經過一間橫濱家系嘅拉麵店. 但橫濱家系又即係咩風味呢? 我去食之前, 都未有一個刻板印象, 亦唔知應該期望d咩.呢一間店, 坐落 Airside 呢間咁新嘅商場, 環境好難唔比到滿分. 不過, 好似味吉洋一話齋, 要比, 當然要用味道分勝負啦!橫浜終極Max拉麵🍜香味 (2/5) - 較薄弱, 唔係太聞得出係咩味麵條 (2/5) - 麵嘅粗度係有得揀, 幼或粗. 我就點左粗麵. 同一般拉麵店一樣, 落單時係冇得揀麵嘅硬度, 點知... 太稔太糊啦, 似咩啦, 似平時煮即係麵, 落少左水, 煮耐左, 亦冇過冷河, 我諗為, 呢個咁糊嘅麵, 去配一個咁杰咁濃嘅湯, 非常地唔夾.湯頭 (2.5/5) - 湯嘅味, 係豬骨為主, 醬酒嘅味反而並唔重. 不過, 湯太杰太鹹, 而個麵又糊又稔, 一食落口, 因為索左大量嘅湯汁, 個鹹味仲倍增. 再加上, 油量我覺得太多, 太油膩啦.
不過加埋橫濱兩個字, 應該香港人都唔會陌生, 因為去得日本旅行, 不難會經過一間橫濱家系嘅拉麵店. 但橫濱家系又即係咩風味呢? 我去食之前, 都未有一個刻板印象, 亦唔知應該期望d咩.
呢一間店, 坐落 Airside 呢間咁新嘅商場, 環境好難唔比到滿分. 不過, 好似味吉洋一話齋, 要比, 當然要用味道分勝負啦!
橫浜終極Max拉麵🍜
橫浜終極Max拉麵🍜
$118
0 views
0 likes
0 comments
香味 (2/5) - 較薄弱, 唔係太聞得出係咩味
麵條 (2/5) - 麵嘅粗度係有得揀, 幼或粗. 我就點左粗麵. 同一般拉麵店一樣, 落單時係冇得揀麵嘅硬度, 點知... 太稔太糊啦, 似咩啦, 似平時煮即係麵, 落少左水, 煮耐左, 亦冇過冷河, 我諗為, 呢個咁糊嘅麵, 去配一個咁杰咁濃嘅湯, 非常地唔夾.
湯頭 (2.5/5) - 湯嘅味, 係豬骨為主, 醬酒嘅味反而並唔重. 不過, 湯太杰太鹹, 而個麵又糊又稔, 一食落口, 因為索左大量嘅湯汁, 個鹹味仲倍增. 再加上, 油量我覺得太多, 太油膩啦. 不過咁, 實說, 湯嘅味道本身係幾討好嘅.
配料 (2/5) - 叉燒同蛋中上啦, 還可以.
鵪鶉蛋係一個幾特別嘅點子, 但係鵪鶉蛋本身過熟, 個麵本身都夠糊, 個鵪鶉蛋一咬落去, 因為全熟蛋黃再推波助瀾, 口感變得糊上再糊, 有d難頂.
仲有一”住”菠菜, 煮到稔稔爛爛, 咁唔駛我多講個口感會再變成點啦.
整體 - 不推薦.
Other Info. :
其實, 只要佢加返d口感清爽嘅白蔥或芽菜去中和返鹹同油膩嘅味道同口感, 可能會好D.
(The above review is the personal opinion of a user which does not represent OpenRice's point of view.)
Post
