餓居

Open Now

Now Closed

呢間位於太子嘅日本菜/居酒屋，店舖小小但裏面嘅裝修都幾日系同精緻，有木系和風榻榻米，仲有日式燈籠牆同大仿櫻花樹，打卡幾靚餐廳食物選擇都多，有燒物、串燒、日式小食、丼飯、麵食、鍋物，我地每款都叫咗啲櫻花蝦伴豆腐係好簡單就可以做到嘅日式小食，加左少少醋都幾清新。熱食甲羅燒裏面釀左好多蟹膏，仲有隻蛋黃仔俾你撈勻，令到個味道更加鮮甜，配埋少少飯團一齊食啱啱好至於串燒我哋嗌咗雞軟骨、鵪鶉蛋牛/豚肉卷串、鹽燒牛舌同雞腎，串燒大致燒得香口，不過唯一調味有少少過鹹，仲叫咗燒白鰻魚，因為見呢個比較少有，白鰻魚表面都燒得乾同脆身，裏面都保留到juicy同肉質滑溜，點埋小小豉油同Wasabi一齊食個配撘都幾得意。飲品有alcoholic/non-alcoholic揀，今次揀咗梳打同果汁，其實佢啲啤酒同汽酒都幾抵飲㗎，可以考慮過嚟啤啤佢