環保農莊餐廳 (Moved) New Location

睇睇個 menu，菜式似乎無咩主題。一間唔顯眼，但比到我驚喜既港式多國菜餐廳。食物、環境同裝飾都好有地道氣色，大叔侍應都好熱情。大廚為多位前港督御廚，好似幾得喎，係餐廳入面掛滿照片為證，仲話好多政客都讚添。但唔知點樣同環保扯上關係呢？酸菜，每碟收費 HKD5 碟，一定要收 nuts 錢啊 ﹗我仲以為係任食架添。甜甜酸酸好好味，有青瓜、甘筍同白蘿蔔，成碟我一個人食晒，朋友們不太食酸呢。意大利三文魚沙律，撒上少量芝士粉，dressing 不太酸而帶微甜，幾喜歡。蔬菜新鮮爽甜，煙三文魚軟棉棉帶咸香。整個沙律都好好食，如果溫度可以涼一點就更好喇 ﹗ 焗肉醬薯皮，新鮮出爐，熱到燙口 ﹗正呀 ﹗味道唔錯，仲好香添，肉碎裝得滿滿係薯皮上，非常足料，但硬係有點寡寡地既感覺。啊 ？﹗係咪少左芝士呢？ 芝士筧菜焗生蠔，雖然唔講得話係好好，但都唔錯喇，蠔有淡淡鮮味但比夠瘦削。法式海鮮 pizza，好特別又好得意喎 ﹗酥皮餅底，放係枱時，有風吹過會一片片飄吓飄吓。食落味道清新，餅底鬆化，海鮮配料都唔少，好味道。蒜香什菌意粉，意粉 8 成熟，不太硬又不太腍，good ﹗味道帶菌香，都幾好。