Video
Read full review
2010-09-27
10 views
是日中秋假期，晚上和屋企人吃過晚飯後，沿路吃個甜品。路德圍一向多甜品，遲ｄ仲開埋五代同糖，今天就先來吃比較元祖的小樽甜品屋。小樽甜品屋可算是帶起呢區甜熱，沛公、松記都在其之後才登陸。平時路德圍旺起上黎要坐到出行人路中心，但聞說呢排食環署成日出巡，食肆都唔敢放ｄ檯檯椅椅出黎，果度大部份鋪位都唔大，唔俾坐出去其實無乜位，而且人就係咁，見到多人就去排，人少就算入面有位都唔會入去，所以都靜左好多。本來想試新的木瓜燉鮮奶，大大個木瓜燉埋鮮奶都只係$17，其實真係幾抵，可惜冷熱都賣晒，只好轉其他。老婆叫左個椰皇燉蛋白，我則叫左個旋轉甘露。呢度既椰皇燉蛋白，每一個都會畫上好Ｑ的人樣，今日先發覺原來係呢度的姐姐仔即場畫上去的，呢度另一賣點係全部侍應都係年輕少艾，正是口吃甜品眼睛再吃冰淇淋 。椰皇燉蛋白依舊有水準，蛋白固之然滑，每一口燉蛋白都有好香的椰香味。旋轉甘露也是新出品，六隻長身杯像六枝試管一樣，放在一個旋轉盤上，六枝試管共分三隻味，即每隻味共有兩枝，意念應該是來自shooter，真是樽樽有味。第一枝是楊枝甘露，夠甜也有芒果香，但蘿柚很苦，浪費了那楊枝甘露；第二枝是蕃石榴，是最好味的一枝，吃到蕃石
平時路德圍旺起上黎要坐到出行人路中心，但聞說呢排食環署成日出巡，食肆都唔敢放ｄ檯檯椅椅出黎，果度大部份鋪位都唔大，唔俾坐出去其實無乜位，而且人就係咁，見到多人就去排，人少就算入面有位都唔會入去，所以都靜左好多。
本來想試新的木瓜燉鮮奶，大大個木瓜燉埋鮮奶都只係$17，其實真係幾抵，可惜冷熱都賣晒，只好轉其他。老婆叫左個椰皇燉蛋白，我則叫左個旋轉甘露。
呢度既椰皇燉蛋白，每一個都會畫上好Ｑ的人樣，今日先發覺原來係呢度的姐姐仔即場畫上去的，呢度另一賣點係全部侍應都係年輕少艾，正是口吃甜品眼睛再吃冰淇淋 。椰皇燉蛋白依舊有水準，蛋白固之然滑，每一口燉蛋白都有好香的椰香味。
旋轉甘露也是新出品，六隻長身杯像六枝試管一樣，放在一個旋轉盤上，六枝試管共分三隻味，即每隻味共有兩枝，意念應該是來自shooter，真是樽樽有味。第一枝是楊枝甘露，夠甜也有芒果香，但蘿柚很苦，浪費了那楊枝甘露；第二枝是蕃石榴，是最好味的一枝，吃到蕃石榴肉，也是最清甜的；第三枝，喝不出是甚麼味道，不同的餐牌寫的都不同，餐牌有說是火龍果或士多啤梨，牆則寫是菠蘿，但我同老婆都覺得不是，味道是清甜的，比楊枝甘露好但比蕃石榴差。
帶著問號，臨走付錢不忘問一下第三枝shooter係咩味，答案係：水蜜桃。
Post
