橋底辣蟹

Open Now

Now Closed

路過銅鑼灣見到辣蟹搬左嚟新店，於是同朋友就入去一試。入到嚟座無虛席，環境都唔錯！嚟到呢度一定要試返個辣蟹啦，佢有好多辣蟹孖寶套餐都係400-500左右，我哋就點左個橋底辣蟹配沙薑雞半隻，一上菜隻蟹完全比我哋想像之中大隻，好多肉，又實淨，煮得好入味，隻蟹食得出好新鮮，隻雞都好嫩，雞肉一啲都唔鞋！我哋都有點下其他小菜，價錢都唔貴，其中柚子骨都幾香脆，食得出好有柚子香，件件都好好肉！仲點左個豉椒炒蜆，蜆肉都好新鮮，份量都好多，豉椒炒得好香，夠鑊氣！鐵板薑蔥田雞，田雞件件都好好肉，鐵板上食落更加香口，配飯一齊食簡直一流！雖然搬左地方，但水準都仲係唔錯！