Orange Elephant Thai Restaurant (和富) (Closed)

2022-09-09同女朋友收工一齊去跑台山🏔去咗間叫Orange Elephant餐廳🐘餐廳主打食泰國菜同芒果系列甜品🥭入到餐廳，有位泰籍店員就操流利廣東話，問我哋幾位😉星期五晚市時間，入座時無乜人，食完走就爆場😱店員安排我哋坐兩人枱，都幾細張枱🤭店員好好介紹，堂食嘅1蚊優惠🤗我哋點了，蛋包海鮮炒飯，98蚊碟，好似蛋包飯既做法，包住海鮮炒飯，幾特別，炒飯都幾有鑊氣，味道方面偏淡味，以泰國菜來說比較清淡，唔係好啱我咁重口味，正常味道😐咖喱海鮮脆包盅，148蚊碟，咖喱入邊有蛋絲，令到成個咖喱更加香滑，加埋青椒同洋蔥咖喱更加香甜，無辣嘅感覺，包嘅外皮非常脆，但要盡快食個包，因有太多咖喱汁，會好快就淋哂，海鮮都足料，必試呀😎泰式炸蝦餅，1蚊碟，餐廳就每晚唔同嘅1蚊優惠菜式，聽店員講早幾日係一鍋烏頭魚，做優惠，講返炸蝦餅，有六嚿上菜，同平時去飲嘅炸蝦球味道好似，加上泰式辣醬食，酸甜味道好開胃，伴碟有幾嚿酸瓜，1蚊碟味道又唔錯，無投訴😜芒果冰特飲，36蚊杯，本身諗叫芒果西米露，暫停供應，但芒果冰都好足料，有好幾粒芒果肉喺特飲面頭，入口好冰凍，係超甜嘅芒果味，幾好飲，下次會叫少甜🥳整體環境都幾乾淨