麥當勞

Open Now

Now Closed

早左到機場，要搵個地方hea，見到有老麥就唔諗啦，老麥一定係最經濟實惠嘅。以前係地下個間好迫好少位，而加搬左上二樓，地方大左企理左，有自助機又有人手排隊，方便各方面客人。個人覺得McCafe前面太吉，可以諗諗加啲立食位？哈哈，不竟零晨十二點依然一位難求其實啲餐機場價同市區價都唔算差好多，不過就無左特價野，咁就求奇叫個signature系列啦，芝士安格斯漢堡餐，餐飲要熱奶茶，加大（$46.5），要鋒味的燒味味粉，不過最後都係得海草味，店員話無哂喎…個包啲芝士熱瀜左流出黎幾正，塊漢堡肉又幾全牛味，確實比一般老麥包好食。自助機㩒黎㩒去都搵唔到無唔加大揀，原來要拉到最落先可以睇到第二版唉～蝕左，因為本身食薯條只係過下口引，根本唔需要咁多，而且加大餐杯奶茶無得加大嘅。不過加大左嘅薯條份量真係好多，係市區中薯條三倍薯條控可以考慮。