美心.翠園 (Closed)

下午響美心食飯，用AE卡係冇折嘅，用原價食咁嘅質素，真心覺得有啲唔抵。剛去到員工執緊我哋張枱，抹枱嗰條毛巾有點臭，我哋要另外用濕紙巾抹走嗰啲臭味。有小許押味嘅皮蛋，流心不多，酸薑正常。炸釀蟹鉗，外面脆米粉炸得不錯，唯蝦膠份量有點小。燒鵝油淋淋，皮軟唔脆，肉質又唔香。椒鹽唔鮮魷，乾爭爭硬骨骨的魷魚腳，仲一大浸雪味。鳳爪普普通通，蝦餃還可以。排骨剩係得肥，超油。車仔腸粉厚薄適中，加埋醬汁都唔錯。最後係普普通通，蒸到外皮爛爛地嘅燒賣。