德國餐廳 (翠怡花園) (Moved) New Location

之前都聽朋友講過das bier呢間德國餐廳，嚟到翠怡花園呢頭發現個位都幾入，但平日晚飯時間食客都唔少。嚟到店員有話呢度可以嗌埋隔離西班牙餐廳嘅食物，簡直一次過滿足兩個願望！我地就各嗌咗德國同西班牙最特色嘅食物-鹹豬手同西班牙炒飯。呢度仲有其他德國特色嘢食㗎，好似香腸拼盤咁，西班牙菜個邊都有啲tapas。豬手上到枱真係嘩咗聲，好大份，而且睇落好惹味。食落口雖然係炸過，但唔會好油膩，而且鹹度適中。側邊仲有啲薯仔沙律同酸菜。德國酸菜係好多人嘅惡夢，但呢度嘅都幾易入口，而且好開胃。另外上場嘅仲有西班牙炒飯，海鮮配料好多，食落都幾新鮮。飯嘅質地食落都夠乾身，好有咬口。話得係德國餐廳，呢度都有好多啤酒選擇，有大路嘅1664, asahi, 德國啤酒erdinger, 香港手工啤咁。我地就嗌咗款英國stout, 飲落有朱古力味，都好特別！