Video
Read full review
2009-12-30
1 views
30-12-2009一直對呢度的蟹烏冬及溏心蛋好有興趣, 是日終於「忍無可忍」, dinner 時段一個人嚟試試. 不過坐低先知原來「今日無蟹呀」, 最後叫了另一款有「人氣」label 的烏冬, 另加一隻溏心蛋 ($8).散叫的溏心蛋 9 秒 9 有得食, "fresh" from the fridge? 蛋黃十分溏心, 賣相極靚, 不過食落又好似唔多夠香甜, 仍是八千代 (http://www.openrice.com/restaurant/commentdetail.htm?commentid=1866291) 好 d; 蛋白就勁凍, 食落有點實, 不過比起中環嗰間嘢 (http://www.openrice.com/restaurant/commentdetail.htm?commentid=2051343) 的同類出品, 呢度好得多! 店方亦送上一碗枝豆作前菜: 賣相麻麻,「外殼」軟撻撻溶溶爛爛, 無「鹽」的痕跡, 入面的豆則幾硬, 唔夠粉又唔香, 把鬼之作! 不過既然係免費的, 算吧.主食係蕃茄湯底的「極上牛肉烏冬」(好似 $56):- 蕃茄湯底色水粉粉紅紅的,
一直對呢度的蟹烏冬及溏心蛋好有興趣, 是日終於「忍無可忍」, dinner 時段一個人嚟試試. 不過坐低先知原來「今日無蟹呀」, 最後叫了另一款有「人氣」label 的烏冬, 另加一隻溏心蛋 ($8).
散叫的溏心蛋 9 秒 9 有得食, "fresh" from the fridge? 蛋黃十分溏心, 賣相極靚, 不過食落又好似唔多夠香甜, 仍是八千代 (http://www.openrice.com/restaurant/commentdetail.htm?commentid=1866291) 好 d; 蛋白就勁凍, 食落有點實, 不過比起中環嗰間嘢 (http://www.openrice.com/restaurant/commentdetail.htm?commentid=2051343) 的同類出品, 呢度好得多!
店方亦送上一碗枝豆作前菜: 賣相麻麻,「外殼」軟撻撻溶溶爛爛, 無「鹽」的痕跡, 入面的豆則幾硬, 唔夠粉又唔香, 把鬼之作! 不過既然係免費的, 算吧.
主食係蕃茄湯底的「極上牛肉烏冬」(好似 $56):
- 蕃茄湯底色水粉粉紅紅的, 又好似有點混濁, 賣相認真麻麻; 飲落蕃茄的天然酸味突出, 不過味道幾單調, 而且用金屬鍋 serve 都好似唔多夠熱, 麻麻哋喜歡.
- 烏冬: 標榜「手打」, 食落幾滑溜, 叫幾彈牙, 不過欠煙韌, 女人街嗰間 (http://www.openrice.com/restaurant/commentdetail.htm?commentid=2046114) 好一點.
- 半生熟牛肉呈粉紅色, 食落嫩腍, 肉味亦幾濃, 五十幾蚊有咁好質素, 不錯喎.
- 配料有蕃茄, 粟米, 蜜糖豆, 鳴門卷及洋蔥, 仲有分開上的半邊蛋... 最好食仍然係半邊蛋, 雖然唔夠味, 但夠晒溏心, 都收貨了; 粟米似足罐頭貨, 不過食落又幾爽甜, 哈哈; 其他的就不值一提, 食咗都無印象...
Weekday 7:xx pm 小店係外長龍內爆滿, 我一個人雖然容易搵位, 但坐喺 open kitchen 旁的 bar 位其實幾迫夾, 食晒前面「爐端燒」的油煙之餘, 後面又不停有人出出入入傳菜 / 去廁所, 都咪話唔辛苦.
連加一齊頭 $70, 是日睇得唔多打得, 其實無乜興趣再嚟 -- 蟹烏冬, 有緣再見吧!
Post
