長發麵家 (Moved) New Location

深水埗既橫街窄巷裡面, 坐喺以大排檔形式經營既長發麵家食起麵上嚟,比起大部份地鋪餐廳來得更有風味... 而環境衛生接受程度係"尚可".但大排檔, 都唔可以話有太高要求!! 豉油皇撈麵 用秘制豉油同少少豬油加一抹蔥花襯托既撈麵...油而不膩, 唔會有滿口油既感覺.麵質爽口彈牙, 但鹼水味仍有少許! 對於偏好麵身較硬的我, 呢個撈麵, 絕對給予高度評價. 淨魚蛋好耐好耐都冇食過呢種魚蛋喇!!佢唔似而家普遍麵檔既魚蛋咁, 大大粒...呢到既魚蛋雖然細細粒, 但佢充滿左豐富既魚味...一食落口就會知道係手打同新鮮既魚蛋... 湯底既味精不是十分濃郁, 配合得洽到好處!!