Video
Read full review
2021-10-21
1245 views
星期日去咗鰂魚涌玩跳彈床，玩完出咗身汗就想食返餐勁嘅🙈。我哋行咗去太古坊嗰邊，因為多啲嘢食，但始終係商場區，星期日仲開嘅食店得返一半。行嚟行去，我哋竟然被一個唔起眼嘅招牌所吸引，並轉咗入去「蝦麵店」。蝦麵店喺唔同地區都有店，我並唔係第一次幫襯，之前食印象中幾好。鰂魚涌店店舖細細，座位唔多，但環境都算光猛整潔👍。餐廳有提供檳城路邊攤一人套餐🇲🇾，包主食+小食+飲品。主食有超過十款選擇，價錢由$68至$95不等，套餐主食會較單點份量少啲。如果唔夠食，你更可以優惠價$18追加小食。為食嘅我哋就緊係加到成枱都係啦，哈哈😝。辣味蝦湯蝦肉肉片麵($80/套餐)，餐廳名叫蝦麵店，嚟得呢度幫襯就當然要食招牌菜，🦐而蝦肉肉片麵正正係傳統福建麵。辣蝦湯以蝦殼、洋蔥、辣椒同肉骨等手炒熬煮製成，湯頭鮮甜，蝦香四溢，濃度拿捏得宜。我認為湯底本身辣味就唔算好勁，如果鍾意食辣，可加辣椒醬🌶。麵底揀咗油麵，餸料就有開邊鮮蝦、肉片同通菜等。咖喱喇沙湯雞絲雞蛋麵($80/套餐)，🥘咖哩喇沙湯嘅底湯以豬骨、鮮雞同多種香料熬煮，所以夠鹹香，但同時亦加入椰奶中和辣味🥥，令佢香而不膩。麵底揀咗檬粉，餸料就有手絲雞、豆卜、雞蛋同芽
星期日去咗鰂魚涌玩跳彈床，玩完出咗身汗就想食返餐勁嘅🙈。我哋行咗去太古坊嗰邊，因為多啲嘢食，但始終係商場區，星期日仲開嘅食店得返一半。行嚟行去，我哋竟然被一個唔起眼嘅招牌所吸引，並轉咗入去「蝦麵店」。
蝦麵店喺唔同地區都有店，我並唔係第一次幫襯，之前食印象中幾好。鰂魚涌店店舖細細，座位唔多，但環境都算光猛整潔👍。
餐廳有提供檳城路邊攤一人套餐🇲🇾，包主食+小食+飲品。主食有超過十款選擇，價錢由$68至$95不等，套餐主食會較單點份量少啲。如果唔夠食，你更可以優惠價$18追加小食。為食嘅我哋就緊係加到成枱都係啦，哈哈😝。
辣味蝦湯蝦肉肉片麵
$80
48 views
0 likes
0 comments
辣味蝦湯蝦肉肉片麵($80/套餐)，餐廳名叫蝦麵店，嚟得呢度幫襯就當然要食招牌菜，🦐而蝦肉肉片麵正正係傳統福建麵。辣蝦湯以蝦殼、洋蔥、辣椒同肉骨等手炒熬煮製成，湯頭鮮甜，蝦香四溢，濃度拿捏得宜。我認為湯底本身辣味就唔算好勁，如果鍾意食辣，可加辣椒醬🌶。麵底揀咗油麵，餸料就有開邊鮮蝦、肉片同通菜等。
咖喱喇沙湯雞絲雞蛋麵
$80
33 views
0 likes
0 comments
咖喱喇沙湯雞絲雞蛋麵($80/套餐)，🥘咖哩喇沙湯嘅底湯以豬骨、鮮雞同多種香料熬煮，所以夠鹹香，但同時亦加入椰奶中和辣味🥥，令佢香而不膩。麵底揀咗檬粉，餸料就有手絲雞、豆卜、雞蛋同芽菜等，佢哋全部都好索湯，正啊。我另外加咗$9要墨魚丸，得兩粒之餘，味道仲要普普通通，下次可以跳過。
白胡椒肉骨油條
$25
16 views
0 likes
0 comments
沙嗲醬魷魚翼(+$20)，一開頭以為成碗都係魷魚翼🦑，原來下低墊住嘅係生芽菜，不過魷魚份量都唔少。魷魚質感彈牙，配埋沙嗲醬、乾蒜、青蔥同秋葵一齊食，夾夾埋埋都幾得意。
馬來沙嗲雞肉串
10 views
0 likes
0 comments
是日油菜有幾款可揀💚，我哋要咗馬拉風味：馬拉盞醬配通菜。馬拉盞醬偏重口味，一定要撈匀先好食，又或者將佢放湯都唔錯。油菜份量超多，好抵食。
飲品方面🥤，我哋要咗特飲(+$10)，分別係美祿同冰糖檸檬薏米水。凍飲幾大杯，味道唔太甜。美祿朱古力味老少咸宜，檸檬薏米水就好清潤。
總括嚟講，呢餐食咗好多地道檳城美食，就好似美食博覽一樣，令人滿足😋。我哋食咗咁多嘢，埋單每人都只係$130，性價比高。如果想食馬來西亞特色美食嘅話，我高度推介蝦麵店✨。
Post
