Pulau

Open Now

Now Closed

行咗幾次中環街市，今日終於有機會試吓入面啲嘢食。我同朋友揀咗去食新加玻菜。我哋選擇咗Pulau嘅「娘惹茶薰鴨配雞油香飯及蘇東魚丸雞湯」同「檳城蝦麵」。海南雞飯就食得多，茶薰鴨配油飯就真係第一次食。見到咁得意嘅combination 就叫嚟試試。茶薰鴨份量好多，肉質嫩滑，不過無乜煙薰茶味。油飯飯粒分明，少少煙靭，唔錯。出奇地好味嘅係毫不起眼嘅兩粒細細魚蛋仔！估唔到魚蛋鮮甜，彈牙又唔腥👍🏻檳城蝦麵湯底鮮甜，飲一啖係會發出「唔😌」一聲！配料方面亦足夠，有鮮蝦、豆卜、腩肉片同長豆角。喺中環想快快脆脆，但係又要企企理理咁食個lunch的話，Pulau 都係個幾好嘅選擇。