House of Joy Oyster Bar and Restaurant

Open Now

Now Closed

叫咗成枱嘢食，有啲濃味，有啲清淡，一定滿足到唔同口味嘅人。🍤美國顶級牛腹肉12安士呢個牛腹肉真係唔錯㗎，咬落去軟腍腍，但係又有一啲咬口。啲肉汁又多，一啖咬落去成口都係香嘅。嗰啲油花睇見都流晒口水，食落去簡直喺個口到化開咗咁。🍤慢煮美國牛小排配蕃茄汁意大利麵呢個牛小排煮得好正，腍到差唔多用吸嘅。茄汁酸酸甜甜，配埋牛肉一點都唔滯。麵條彈牙，唔會太腍。成個食落去味道層次好豐富，牛肉香之中帶住番茄嘅酸甜，好過癮。🍤烤原隻西班牙墨魚配墨魚汁意大利飯墨魚燒得啱啱好，外面微焦，入面仲係嫩滑。墨魚汁撈飯真係好夠味，飯粒全部變晒黑色，食落去鮮味十足。加埋茄蓉之後，成個味道更加豐富，酸酸甜甜好開胃。🍤火腿芝士拼盤火腿切得薄到好似蟬翼咁，入口即溶。芝士大大塊，好有特色，成個配搭鹹香撲鼻，奶味十足，再配埋一杯紅酒簡直絕配。🍤西班牙檸檬撻呢個檸檬撻外皮好脆，咬落去「咔嚓」一聲。餡料滑嘟嘟，酸酸甜甜，唔會太刺激。食完之後，個口仲有陣淡淡嘅清香，好解膩。