Passion (朗豪坊) (Closed)

最近迷上檸檬撻，希望可以試盡港九新界唔同地方嘅出品，最大嗰兩間連鎖咖啡店嘅檸檬茶都唔好食，因為非常之甜。今日路經呢間餐廳，見到有得賣，即刻優雅地衝左入去，簡簡單單一件tart、一杯black coffee就係我今日嘅下午茶。Tart嘅size唔會好大一個人食啱啱好，如果兩個分就少食多滋味。試咗一啖都係比想像中要甜，但就冇嗰兩間咖啡店嘅咁甜，味道都可以接受，如果酸啲會更加好。餅皮係脆既，檸檬tart唔會太漏，配上一杯 black coffee真係啱啱好。下午茶餐＄60，以旺角呢個地段來講叫做可以接受。但係呢個都未去到我心目中想食嘅水準。