浜松水產 (Closed)

呢日放工之後同屋企人去咗旺角呢間日本餐廳食dinner，餐廳位於地庫，入到去有別有洞天嘅感覺，好似去左日本咁。打開餐牌，見到呢到既刺身拼盤望落好吸引。我地點左櫻澳洲龍蝦極盛，入邊有澳洲龍蝦刺身、日本野生中拖羅、空運海膽、南非鮮活鮑魚、赤貝、鹿兒島油甘魚、蜜柑鯛、三文魚、赤蝦同埋北寄貝，超級豐富。啲刺身全部都好新鮮，第一次食龍蝦刺身，口感爽口彈牙，唔錯。另外仲點左浜松刺身丼，一樣咁正。食咗咁多剌身，當然要點返啲熱嘢啦，飲返碗熱辣辣嘅時令海鮮湯，味道鮮甜又暖胃。炸雞軟骨好香脆。嘆番杯生啤就Perfect。