香港老飯店 (Moved) New Location

琴晚好友歡聚，不亦樂乎，揀咗呢間老鋪食上海菜，之前未嚟過，昨夜一試之後，睇怕都冇下次la...去到發覺都人頭湧湧，大部份顧客都係上咗年紀嘅，成場最後生就係我哋。一望吓個menu，發現唔單只有滬菜叫，仲有其他川及湘菜食，呢個係部份香港上海菜館嘅習慣，我自己就唔係太過buy la...原本諗住散叫，但發覺套餐入面有D我想試嘅嘢，就決定叫餐...先嚟三個冷盤--- 醉鴿、烤麩及燻蛋。醉鴿肉嫩，好香酒味，係我覺得成晚最好味嘅一碟菜；烤麩係手掰嘅，不過唔係好夠凍，調味亦偏淡，似乎已經迎合咗香港人嘅口味，我就唔多喜歡la；燻蛋亦係水準之下，蛋黃不夠多及油之餘，有部份蛋黄邊仲有D死實實嘅情況出現，亦無乜煙燻味，唔合格...再嚟係鹹蛋黃炒蝦，蝦夠大隻，肉頗鮮，配合鹹蛋黃嘅鹹香，確實係絕配，可惜似乎D蛋黃並唔能夠完全黐响D蝦度(因發現碟底有頗多嘅鹹蛋黃碎)，故並不完美。呢尾嘢都係留園雅敍做得最出色...跟住係紅燒肉，呢味係典型嘅湖南菜，亦係我哋偉大嘅毛主席最鐘意食嘅。用嘅係五花腩，肥嘅部份炆得入口即化，不俗，可惜調味過淡，而且用咗白菜仔塾底而無用百頁，味道就爭好遠la...接住係燻樟茶鴨。一上枱就知唔掂