東海堂 (Closed)

一直覺得東海堂蛋糕好高質，去親香港必定買件，好想食一磅大蛋糕🤣，蛋糕款花多眼亂，樣樣都想試。.🍰宇治抹茶黑糖竹炭蛋糕（HKD 25）層層分明，賣相睇落好吸引，海綿蛋糕好鬆軟，中間夾埋抹茶同黑糖慕絲好幼滑，蛋糕主要甜度由黑糖發出，最愛底層朱古力脆脆，為成件蛋糕增加左光芒同咬口🤤，整體食落完全唔dry仲幾濕潤 ，唯一可惜抹茶味未夠濃郁回甘，同埋唔鐘意外層cream。.🥧士多啤梨撻（HKD 23）士多啤梨🍓偏酸，真係要睇下好唔好彩，撻底唔係脆身質地，而係帶少少鬆同濕潤，餡內吉士醬幾creamy但唔足。